2012/01/31

Jonas eta balea (Biblia Bidean Lehen Urratsak)



Honela hitzegin zion Jaunak Jonasi: "Ea, zoaz Ninibera, hiri handi horretara, eta hotsegin nire mezua berorren aurka, bururaino egina bainauka bere gaiztakeriaz". Abiatu zen, bai, Jonas, baina Tarsisera ihes egiteko asmotan, Jaunarengandik urrun. Tarsisera zihoan untzi bat aurkitu zuen; bidesaria ordaindurik, untziratu egin zen, untzikoekin batera Tarsisera joateko, Jaunarengandik urrun.

Josue eta Jerikoko gudua (Biblia Bidean Lehen Urratsak)



Jo zituzten apaizek adarrak. Adarrotsa entzutean, herriak izugarrizko irrintzia egin zuen, eta harresiak behea jo zuen. Orduan gudariek eraso egin zioten hiriari, nork bere aurrean zuen tartetik, eta hartu. Jauna Josuerekin izan zen, eta haren entzutea herrialde osoan zabaldu zen.

Jose eta haren anaiak (Biblia Bidean Lehen Urratsak)



Anaiak hurbildu zitzaizkionean; honela esan zien Josek: "Bai, Jose nauzue, zeuen anaia, Egiptora ekartzeko saldu zenutena. Baina ez izan orain atsekaberik, ez damurik, hona saldu ninduzuelako, Jainkoak zuen aurretik bidali nau, zuentzat behar adina janari gordetzeko eta zuek harrigarriro salbatzeko. Beraz, ez nauzue zuek bidali, Jainkoak baizik. Berak jarri nau faraoiaren ordezko, bere etxeko buru eta Egipto osoko agintari."

2012/01/25

Gazteen elizbarrutiko topaketa – batzar nagusia

“Crisis-eta zu zer?” goiburuagaz ospatuko da aurton gazteen topaketa – batzar nagusia. Hamasei eta hogeta hamar bitarteko gazteak otsailaren 11n, zapatuz, batuko dira OSCUS – Bilbao ikastegian (Urtado de Amezaga 44, Bilbao), arratsaldeko 18,00etatik gaueko 22,15etara arte.


--------------------------------------------------------------------------------

Gazteen Elizbarrutiko Idazkaritzatik antolatu daben topaketa honetan elizbarrutiko gazteak batuko dira, pil-pilean dagoan krisiaren gaiaren inguruan hausnartzeko eta sakontzeko. Maria León arduradunetako batek aitatzen dauanez, “gazteok be geure eritzia emon gura dogu gai honi buruz, pentsatzen doguna azaldu eta beste batzuek zer dinoen jakin”. Baina, gainera, euren ahotsa beste batzuek entzun daiela gura dabe eta horregaitik “topaketa – batzar nagusi honetan gazteok krisiak gugan dauan eraginaz eta krisiari emoten dihardugun erantzunaz hausnartuko dogu”, dino aurrerago.

Topaguneak eta dinamikak berak, gazteak “protagonista” sentitzea ahalbideratuko dabe, “iritzia emoteko” aukerea eskainiko daben tailer desbardinen bitartez.

Batzar nagusiari umorez emongo jako amaierea: Siro López mimoak jardungo dau eta dei egingo deutse partaideei, egoera honen aurrean, “fededun lez itxaropena zabaldu” daien.

Izena emoteko epea otsailaren 6an amaitzen da


Bilboko elizbarrutiko webgunetik hartuta: bizkeliza.org


Dabid eta Goliat aurrez aurre (Biblia Bidean Lehen Urratsak)



Goliatek, Dabi ikusi zuenean, deiadar egin zuen: "Agian zakur bat ote naiz ni, makilaz niregana etortzeko?". Dabidek erantzun: "Zu ezpataz, lantzaz eta ezkutuz armaturik zatoz niregana, baina ni Jaunaren izenean natorkizu". Gero, harri bat zorrotik hartuz, Goliati jaurti zion. Harria bekokian sartu zitzaion, eta lurrera erori zen erraldoia. Halaxe nagusitu zitzaion Dabid filistearrari.




2012/01/24

Daniel Lehoi Zuloan (Biblia Bidean Lehen Urratsak)



Eguena argitu orduko, jaiki zen erregea eta lehoi-zulora joan zen lasterka batean. Lehoi-zulora harbildu eta Daniel bizirik aurkitzean, erregeak, pozaren pozez, Daniel zulotik ateratzeko agindu zuen. Atera zutenean, ez zuen urratu bat ere, Jainkoarengan jarri baitzuen bere usteona.

2012/01/23

Ikasketa eta Zerbitzu programa martxan !!

Noeren Kutxarena (Biblia bidean lehen urratsak)



Lurra lehortu zenean, kutxatik aterata, Noek aldarea eraiki, eta erre-oparia eskaini zion Jainkoari. Jainkoak gogo onez hartu zuen opari hau. Bedeinkatu zuen Noe, eta esan zion: "Ez da lurra hondatuko duen beste uholderik izango. Lurra lur den arte, ez dira hazia ereitea eta uzta biltzea, uda eta negua, etengo. Zerualdeko ostadarrak oroitaraziko dizue neure agintza hau"




2012/01/17

Moisesen kondaira (Biblia bidean lehen urratsak)



Esan zion Jainkoak Moisesi: "Ikusirik ditut nire herriaren nahigabeak. Askatu egin nahi dut, eta esnea eta eztia darion lurralde batera gidatu, zuk aterako duzu Egiptotik nire herria. Zurekin izango nauzu Ni". Moises joan zen Egiptora Jainkoaren agindua betetzera.

"BIBLIA BIDEAN LEHEN URRATSAK" BILDUMA

1998.urtean Idatz Elizbarrutiko Argitaldiak "Biblia Bidean Lehen urratsak" bilduma edo sailekoa atera eban ("The Beginners Bible" jatorrizkoan). Guztira hamairu VHS bideo-zinta ziren. Zortzi Itun Zaharrekoak eta bost Itun Barrikoak. Marrazki bizidunetan eskainiak egozan eta haurren hizkera arruntean adieraziak.

Orain, Bilboko Elizbarrutian kontsulta egin eta gero digitalizatu egin doguz, eta apurka apurka youtuben  bidez eskura eukiko dozuz.



2012/01/16

Usparitza doktorea, gaur egungo samariar onaren eredu, zendu da.


DYAren sortzailea, Usparitza doktorea, pasaden barikuan zendu zan. Usparitza doktoreak azaltzen ebanez "samariar onaren" parabola inspiratuta DYA erakundea fundatu eban.

"Detente Y Ayuda" DYA "Geldi eta Lagundu" lelopean errepidean laguntza emateko alkartea sortu eban. Erakunde honek 35 urte daramatza, inolako irabazi asmorik gabe, euskal errepideetan zehar gidariei seguruago zirkula dezaten laguntzen.

2012/01/13

Janari batzaren ostean San Adrianeko parrokian egon gara

Begoñazpi ikastolako pastoral taldetik bultzatutako kanpainen artean, urtero izaten dogun janari batzearena aste honetan burutu dogu.


Horretarako ikasleen lankidetza izan dogu. Adibidez, Lehen Hezkuntzako hirugarren zikloko ikasleek Lehen Hezkuntzako beste zikloetako ikasleei azaldu deutsie guztia eta DBHko talde solidarioko ikasleek antolakuntzan lagundu deuskue.

Aurten, talde solidarioko ikasleakaz batera, San Adrianeko parrokiara joan gara. Bertan inguruan daben errealitatearen barri emoteaz gain, Ikastolan batzen dan janariarekin zer egiten dan eta laguntzeko zein baliabide daben azaldu deuskuelarik.

Guztioi esker, egoera latzean dagozanei itxaropena emongo deutsegulako ustea dogu.

Bide batez, aurrera eroan eta eroango doguzan kanpainetan parte hartzea be eskertu gura deutsuegu.


Begoñazpi ikatolako webetik hartuta eta moldatuta