2014/12/03

Minusbaliotasunen bat daben pertsonen nazioarteko eguna.


Euskeraren eguna ospatzen dogu abenduaren 3ko honetan. Xabierko Frantziskoren eguna. Misiolarioen eguna. Nafarroaren eguna ere bai. Baina ez bakarrik hori, Minusbaliotasunen bat daben Personen Nazioarteko Eguna ere bada.

"Cuerdas" izeneko metrai labur hau ekarri deusku ikasle batek, ezgaitasunen bategaz bizi diranak be gogoan izan daiguzan.

Lehenengo bideo honetan metrai laburraren "trailer"-a ikusi daikezue:


Bigarren hau Telemadrid-ek egindakoa da, "Cuerdas" metrai laburraren oinarri izan dan ikaslearen inguruan.


2014/10/01

GAZTELIZA 2014


Badago 2014ko GAZTELIZA topaketan izena emoteko epea zabalik!!!


Bizkaiko Elizbarrutiko gazteek Gotzainagaz egiten daben urteroko topaketa honen inguruko informazino gehiago gura badozu, edota izena emon gura badozu, EGIN KLIK HEMEN!!!




Zer ezkutatzen dau gure mugikorrak?


Hona hemen ALBOANek abian jarri dauan kanpainaren ganeko informazinoa.

Zer ezkutatzen dau gure mugikorrak?


Esteka honetan ALBOANen kanpainari buruz gehiago irakurri daikezu:

ALBOAN - Zer ezkutatzen dau gure mugikorrak?

Egizu GATAZKARIK GABEKO TEKNOLOGIAren alde.

2014/06/25

“Jaso dodazan balioak jakintza baino garrantzitsuagoak dira"

Begoñazpi Eleizbarrutiko ikastolako ikasleak atara dau aurton Euskadiko notarik altuena Selektibidadeko proban. Autonomia-Indautxu Pastoral Barrutiko alkarteko kide honek aurton jaso dau sendotzako sakramentua. Ikasturtean zehar boluntario lanak egin dauz Caritasen heziketa arloko laguntzea behar daben umeakaz eta ikastolan bertan be klase partikularrak emoten izan deutsez beharrizana eukien gaztetxoei. Azken baten, Begoñazpi ikastolako zuzendariak, Nerea Begoñak dinoan moduan, Mikelek ederto islatzen dau zabaldu gura daben espiritua: balioetan oinarritutako kalidadezko heziketea.

IMG_8916.JPG
Mikel Basaras ikastolako sarreran.

Zelako nahastea Selektibidadean 9,80 atara ostean!

Benetan be. Ez neban itxaroten. Emaitzea ikusi nebanean salto-saltoka hasi nintzan eta aita eta amari deitu neutsen barria emoteko. Laster deitu eben Unibertsidadetik Euskadiko notarik onena nirea zala esateko. Ezin neban sinistu be egin. Gero, komunikabideetatik alkarrizketak egiteko deitzen hasi jatazan eta gaur arte.


Eta orain merezitako atsedena?

Ez horrenbeste, udako lan kanpamentu bitan emon dot izena eta onartu nabe. Umeakaz egongo naz lehen be ibili nazalako eta esperientzia berebizikoa izan dalako. Caritaseko programa baten hartu dot parte nire Pastoral Barrutian. Astero ordu bi egiten izan dodaz txikiakaz. Esperientzia hainbat gustau jatanez udan be horretan jarraitu gura dot hizkuntzak praktikau ahala. Eta irailean Ingenieritza Industrialeko ikasketak hasiko dodaz.


Zer da Begoñazpitik jaso dozuna?

Ezagumenduak eta jakituria baina batez be balioetan hezi nabe. Nire gurasoek Eleizbarrutiko ikastola bat aukeratu eben eta asmatu egin ebela uste dot.

bizkeliza webgunetik hartuta

Zeure mugikorrak ezkutatzen duena

2014/05/26

Hemen da Eleizbarrutiko Alkartasun Zeinua !!!

Barikuan, maiatzak 30, Eleizbarrutiak ekitaldi publikoa ospatuko dau Eleizaren Doktrina Sozialean oinarrituta krisiaren biktimei hurkotasuna erakusteko. Belen Rodero Bilboko Eleizbarrutiko Karidade eta Zuzentasunerako Ordezkariak jardueraren inguruko zehaztasun batzuk emon deuskuz.

Aurton, eskola-umeek, ibiltaldia egiteaz gainera, tailer batzuetan parte hartzeko aukerea izango dabe. Honeetan, indarrean dagoan eredu ekonomikoaren alternatiba diran esperientziak ezagutu ahal izango dabez. Hain zuzen be, birziklatzearen, banka etikoaren, bidezko merkataritzaren, kontsumo arduratsuaren, gauzen berrerabileraren edo gizarteratzerako lanaren ingurukoak izango dira.


Zenbat eskola-umek parte hartuko dau?

Guztira, 900 inguru izango dira, eleizbarrutiko ikastetxeetakoak eta Kristau Eskola sarekoak. Ibiltaldiaren aurretik, 9:30etatik 11:00etara parte hartuko dabe tailerretan eta, ostetik, 12:30etatik 14:00etara. Ibiltaldia Arriaga plazatik aterako da 11:00etan eta Doña Casilda parkean amaituko da. Han, gotzainak, eskola-umeek egindakoa jasoko dau eta gizakiak lehentasuna izan behar dauala irudikatuko dauan bestelako txanpona bat agertzera emongo dabe. Leku berean, gotzainak arratsaldez irakurriko dauan agiriaren zertzelada batzuk eskainiko digu.


Ze ordutan eta non izango da arratsaldeko jarduerea?

19:30etan Indautxuko Karmeneko Ama eleizan. Otoitzaldia egingo da lehenengo, gizakiari lehentasuna emongo deutsan ekonomiaren alde egiten dogula gogoratuz. Eleizatik Doña Casilda parkeko pergolaraino joango gara eta han gotzainak Zeinuagaz zabaldu gura dan mezuaren laburpena jasoten dauan agiria irakurriko dau.



Eleizbarrutiko Zeinuaren burutzapena kaleko jarduerea da, baia, landu izan da aurretik?

Bai, material batzuk prestatu dira sentiberatasuna bizteko. Web orrialdean eskuratu daitekez eta bialdu izan dira ikastetxe eta parrokietara be. Hezkuntza lagungarriak be badagoz gelan lantzeko gazte, ume eta helduakaz. Lagungarri honeen bidez gertatzen ari danaren inguruan hausnartu egin daikegu, ulertzen saiatu eta guztia fedetik irakurri. Zeinuan parte hartzeko deia be egiten da.

Bilboko Elizbarrutiko Webgunetik hartuta: bizkeliza.org

Hain zaila da partekatzea?


2014/04/04

Loiolako topaketa

Atzo, apirilak 3, Artxandape eta Begoñazpi ikastolako dbh 4. mailako lagunak Loiolan alkartu ginan. Datorren ikasturtean gehienek Begoñazpi ikastolan batxilergoa egingo dogunez, alkar ezagutzeko aukera paregabea hau aprobetxatu genduan. Egun zoragarria izan zan, eta mezaren ostean jolas eta ekintzen bidez apurka apurka gure arteko harremanak modu atsegin baten sortzen hasi dira. Jesus Llarena, elizbarrutiko seminarista eta Inazio Fernandez, Leioako parrokoa be gugaz egon ziran meza ospatzen.












Eta Kristok hesia gainditu eban !!!

Estatu Batuetan eta Mexikoren arteko mugan, Arizonako basamortuan, 6.000 pertsona baino gehiago hil dira gosez azkeneko urteonetan migratzen. Egoera larri hau salatzeko 8 gotzain katolikoek meza bat ospatu dabe mugan: “Hau ez da arazo ekonomiko bat, arazo moral bat baino” esan dabe.

Ekintza honen bidez, Eliza Katolikoak (Katoliko=Unibertsala) gure Jainkoa eta personak mugen gainetik gagozala adierazi dau. Eta komunikabideetan entzun dogunez, Kristo bera, komunioan, estatuen arteko muga "paper barik" gainditu dau. 







2014/03/19

Garizuman sartzean

Garizuman sartzean
Pazkora begira
jarri dut burua,
Garizumak Pazkoa
bait du helburua.


Basamortu luzea
zehartzera noa
israeldar maratz
agindutako lurra
lorez den hartarantz.

Han dakusat eguzki
Kristo berpiztua
dena argiz jazten;
Garizuma bideko
lorrak gozarazten.

Hil eta Bizi Dena
handi ageri da
bihotz eta xeraz:
dezaiodan esker on,
poza adieraz.

            (Bitoriano Gandiaga)



          Garizumako domeken kartel honek badauka bere haria: eskailera bat.  Igo egin behar dogu. Ibili, Pazkorako bidean gagoz.


Garizuman sartzean
Pazkora begira
jarri dut burua,
Garizumak Pazkoa
bait du helburua (Bitoriano Gandiaga).

Garizumak bateo kutsu handi bat dauka. Aldi honetako bibliaren testuek katekumeno baten bidea argitzen deuskue. Pazko gauan bateoa ospatzen dauenaren bidea gogoratzen deuskue.
Gu bateatuta gagozenez, beste irudi batzuk erabili daikeguz: ikastaro trinkoa, bateoa ospatzeko master bat, kirol proba nagusi baten aurreko kontzentrazio aldia…
Bateo urtean sartzeak, borondatez, askatasunez, Jesusen eskutik eta bere Espirituaren laguntzaz Aitaren ametsaren, asmoaren, proiektuaren, Erregetzaren alde “bustiko” garela esan gura dau.
Bateatuak ez dauz gauzok gogoratu bakarrik egin, bizitzaren uretan buru-belarri sartzen da, heriotzatik bizitzarako pausua, hau da, pazkoa emoteko.
Eleizeak ikasbide hau eskeintzen deusku Garizuman zehar. Hauts egunean hasi, eta domekaz domeka, Eguen Santuko Jaunaren Afariko Mezea ospatzeko uneraino laguntzen gaitu. Kartelean ikusi daikegunez, Hauts Egunetik Erramu Domekaraino irakurgaiak eta irudiak bide hau erakusten deuskue.


Master hau gainditzeko hiru ebaluazio puntu:




Garizumea

40 egun Pazko bidean
Jesusen eskutik:

Berba hutsetatik Jaunaren Berbea entzutera
Indiferentziatik alkartasuna bizitzera
(Baraua, neurriz bizi, banka etikoa, limosnea…)
Indarkeriatik adiskidetzera.
penitentziaren sakramentua ospatu…)

 
Arratia pastoral barrutiaren webgunetik hartuta

2014/01/15

Izan bihotz! Patxi Loidi eta beste



Izan bihotz! liburua klasiko bat izan da euskerazko otoitz esku-liburuen artean. Patxi Loidi jaunaren gidaritzapean lagun talde batek lan itzela egin eban otoitz eta kantuak batzen, euskeratzen, sailkatzen... Hona hemen klasiko ha doan guztiontzat.

(Esker mila Arratiako lagunei material ha partekatzeagaitik)



2014/01/14

"...eta egiak aske egingo zaitue" (Jn 8, 32)

Laster dbh 3. eta 4. mailetan etika eta moralaren gaiak landuko doguz. “Eztabaidaren bidez argia sortzen da” dino ilustrazioaren esaldi ospetsu batek, eta eztabaiden bidez egia hobeto ezagutu daikegu, baina askotan muturreko jarrerak sinplistegiak dira eta errealitatea deformatzen dabe. “Tesia Antitesia Sintesia” bidez errealitatea jaubetzeko bidean sartuko gara.
 
Dana dala, etika eta moralaren barruan dana ezin da onartu. Erlatibismo moraletik alde egingo gara. Errealitate konplexu eta bakarra dagoen lez, egia bakarra eta konplexua izan daiteke. Giza eskubideak gure oinarriak izango dira, baita bizitzaren eta maitasunaren Jauna gure inspirazioa: “egiaz nire ikasle izango zarie; ezagutuko dozue egia, eta egiak aske egingo zaitue”

2014/01/07

Baina, zer esan gura dau "gizalegezko lana"?

Baina, zer adierazoten dau «gizalegezkoa» berbeak lanaz dihardugunean? Edozein gizartetan, gizon edo emakume guztien funtsezko duintasunaren adierazpena dan lana adierazoten dau: askatasunez aukeratutako lana; beharginak, gizonezko eta emakumezkoak, euren alkartearen garapenari eraginkortasunez lotuko dituan lana; bazterketa guztiak saihestuz, beharginak errespetatzea ekarriko dauan lana; familien beharrizanak aseko dituan eta familiei, umeak, derrigorrez lan egin behar izatetik askatuta, eskolara bialtzeko aukerea emongo deutsen lana;  beharginei askatasunez antolatzeko eta euren ahotsa entzunarazoteko aukera emongo deutsen lana; arlo pertsonal, familiar eta espiritualean norbere sustraiakaz egokitasunez bat egiteko tartea itziko dauan lana; erretiroa hartzen daben beharginei biziaro duina ziurtatuko deutsen lana.

Caritas in Veritate (CV). Osoko giza garapena karidadean eta egian gaiari buruzko entziklika. Benedikto XVI.a. 63. zenb.

Urtarrileko fitxa